اعلان جمعية الضياء

أحبابنا الكرام أبائنا وأمهاتنا نعلم أنكم أهل الخير فحرصنا أن تشاركونا فى عمل الخير لذا ندعوكم للمشاركة معنا فى جمعية الضياء الخيرية بالفكر والجهد والوقت والمال
وعمل الخير مش لازم يكون فلوس
أهداف الجمعية :
الهدف الأسمى :حفظ القرآن الكريم وتجويده
وكذلك حفظ الحديث الشريف والسنة النبوية
وأهم الأشياء : رحلات الحج والعمرة
وأهم البرامج : تقديم خدمات طبية وعلاجية لعلاج الغير قادرين
وحملات اطعام وحملات كساء وبرامج فى الخير كثيرة
وكمان خدمات بيئية وأنشطة رياضية بالاضافة للحفلات الدينية والأمسيات الثقافية وفيه كمان مشروعات صغيره
وكمان فيه دورات الكمبيوتر والتنمية البشرية
وبصراحه الأنشطة كثيرة جدا عشان كده محتاجينكم معانا لأنكم أهل الخير وأهل للمسئولية .
منتظرين دعمكم الفنى بالأفكار الجديدة منتظرين كمان دعمكم المادى والعيني ومحتاجين وقتك وجهدك ولو وقتك مسمحش ادعمنا بكلمة طيبة ( فالكلمة الطيبة صدقة )
الجمعية مفتوحة يوميا من بعد صلاة العصر وحتى صلاة العشاء
أحبابى وإخوانى
الجمعية مش حكر على حد ولا ملك حد ** الجمعية من أجل الخير ولكل الناس والرأى والرأى الآخر يعنى من الآخر الجمعية أسسناها ابتغاء وجه الله يعنى محتاجينك معانا بوقتك اللى هيكون فى ميزان حسناتك وجهدك اللى هيشفع لك يوم القيامة وصدقاتك اللى هتنجيك من عذاب النار
ممكن تساهم بفائض ملابسك
وكمان الأدوية الغير مستعملة قبل أن تنتهى صلاحيتها وترميها
ومتنساش أن صدقة السر تطفئ غضب الرب
واستلم إيصال تبرع فور تبرعك النقدى
وتعالى شارك معانا فى التوزيع ودلنا على ناس محتاجه احنا منعرفهمش
ساعدنا على عمل الخير
أكيد عندك وقت فاضى كتير هتقضيه فى ايه ؟؟؟
دى دعوة مننا تعالى نقضى وقت فراغنا فى طاعة الله
يقول الرسول صلى الله عليه وسلم :
نعمتان مغبون فيهما العبد الصحة والفراغ
تعالى ساعدنا فى تحفيظ الأطفال القرآن الكريم المكتب فاتح يوميا من بعد صلاة العصر وحتى صلاة العشاء تعالى كمان عشان تحاسبنا وتقول انتم مقصرين فى الشئ الفلانى
رأيك يهمنا لأننا كمجموعة مش هنقدر نقوم بكل العمل محتاجين لشباب سماحه يساعدونا محتاجين لأبائنا اللى طلعم معاش يفتحوا الجمعية ويستقبلوا طلبات الناس محتاجين لأخواتنا اللى حافظين القرآن يحفظم الأطفال الصغار محتاجين كل الدعم
عاوزين سماحه تكون القرية التى ينظر الله إليها نظرة رضا
إن لله رجالا اختصهم لقضاء حوائج الناس ألا إنهم هم الآمنون من عذاب الله يوم القيامه
ألا تحب أن تكون من هؤلاء الرجال
نسأل الله التوفيق والسداد " ادعوا الله لنا "
مقر الجمعية : مدخل كفر سماحه بمنزل الحاج / عرفه ابراهيم السعيد عيد
الدور الأرضى : 0110985223 – 0162234051 - 0108501912