افكار للخير

أختى الفاضلة / داليا
السلام عليكم ورحمة الله وبركاته
شكرا على مبادرتك الطيبة بعرض أفكارك الخيرية وهى على العين والراس والحمد لله نشاط الجمعية ليس قاصرا على القرية وممتد إلى كل مكان بإذن الله بس ربنا يكرمنا والجمعية تكبر ورصيدها يزيد
بس أنا عاوز أفكار الخير مش مساعدات بس لأن المساعدات مفروغ منها هتتنفذ بإذن الله
أنا هنا محتاج فكرة جديده نتبناها ونطلقها ونستمر فى تنفيذها كا أطلقنا حملة الإطعام مثلا يا ترى بعدها هنعمل ايه جديد فمثلا أنا بفكر فى حملة ( إذهب فاحتطب ) بمعنى اديله شبكه ومتديلوش سمكه ) بمعنى آخر بفكر فى مشروع الجبنة الفلاحى يعنى هجيب للسيده التى ترعى أطفال وليس لها دخل مواد الانتاج والماده الخام وأطلب منها تصنيع الجبن الفلاحى والقشطه والسمن البلدى والتوزيع مسئولية الجمعية كمان بفكر الشباب اللى مش لاقى شغل نتفق له مع المصانع الخاصة اللى محتاجة كوادر معينة تتصل بينا نرسل لهم طلباتهم من العمال ودا طبعا اوفر من الاعلان فى الجرائد او طبع ورق وتوزيعه وكده بقدم خدمة للشركه وكمان بقدم خدمة للشباب
ياريت اللى عنده أفكار مماثلة يزودنى بيها
وربنا يجزيكي كل الخير يا داليا على مبادرتك الطيبة جعلها الله فى ميزان حسناتك